KomPay1.8.1 - Google Play

KomPay е бесплатна мобилна апликација на Комерцијална банка АД Скопје која овозможува бесконтактно плаќање на продажни места. Преку KomPay, мобилниот телефон станува замена за платежна картичка.

KomPay Ви овозможува да ги дигитализирате Вашите платежни картички и да вршите плаќања на ПОС терминали кои поддржуваат бесконтактни плаќања, без употреба на физичката банкарска картичка.

Можете да изберете со која дигитализирана картичка да се изврши плаќањето. Можностите за користење на дигитализираната банкарска картичка се согласно расположливите средства на сметката на физичката дебитна или кредитна картичка.

Со KomPay можат да се дигитализираат сите Mastercard® картички од Комерцијална банка кои ги поседувате, без оглед дали пластиката која ја поседувате е бесконтактна или не.

Посетете го веб сајтот на Комерцијална банка www.kb.com.mk за повеќе информации и упатства за користење на апликацијата.

ПРЕДНОСТИ
• Вашиот смартфон е секогаш со Вас, а од сега со него ќе можете и да вршите плаќања;
• можете да плаќате секаде каде има ПОС терминали со бесконтактен начин на плаќање (PayPass) и без да ја имате со Вас физичката банкарска картичка;
• секоја Mastercard® картичка од Комерцијална банка може да биде бесконтактна;
• можете да вршите плаќања без активна интернет конекција (до 10 плаќања пред повторно да се поврзете на интернет);
• овозможено е брзо, едноставно и безбедно плаќање, на голем број продажни места секаде во светот;
• се користи најсовремена технологија за плаќање и заштита;
• нема надомест за преземање и активирање на апликацијата;
• бесплатно се регистрираат две Mastercard® картички по корисник во промотивниот рок.

ПОСТАПКА ЗА ДИГИТАЛИЗАЦИЈА НА КАРТИЧКА:
• Внесете ги деталите од физичката банкарска картичка, односно бројот на картичката, рокот на важност и CVC2 кодот;
• Ви се испраќа верификациски код како износ на трансакција, кој ќе биде евидентиран како резервирана трансакција на сметката на картичката која ја дигитализирате;
• Внесете го верификацискиот код (3 цифри без децимална точка) во соодветното поле на KomPay;
• Прифатете ги Условите за користење на дигитализирани банкарски картички преку мобилната апликација KomPay;
• Дигитализацијата е успешна со појавување на сликата на соодветната банкарска картичка на екранот.

ПЛАЌАЊЕ ЗА ЕДНА СЕКУНДА
Постапката на плаќање со KomPay е многу едноставна:
• Отворете ја апликацијата и изберете ја картичката со која сакате да платите
• Допрете го смартфонот на терминалот за плаќање
• Плаќањето е реализирано

ДОСТАПНОСТ
Потребно е да имате уред со најмалку Android 5.1 и NFC технологија. Со KomPay можат да се дигитализираат сите Mastercard® платежни картички издадени од Комерцијална банка АД Скопје – дебитни, кредитни, премиум и деловни. Натамошните верзии на апликацијата ќе овозможуваат дигитализација и на Visa картичките на Банката, за што ќе бидете на време известени.

ПОМОШ И ТЕХНИЧКА ПОДДРШКА
За прашања или евентуални технички проблеми Ве молиме да нѐ контактирате преку нашиот центар за поддршка:
телефон (24/7): +389 (0)2 3247 474
е-mail: support@kb.com.mk